بو خزام تطلب من البستاني إبقاء الأطفال بعيدًا عن السجالات السياسية.. والأخيرة ترد: “ما تعتلي همّ ترباية ولادي”!

رنيم بو خزام

نشرت الوزيرة السابقة ندى البستاني عبر حسابها على تويتر مقطع فيديو لأولادها وهم يُطالبون بالتدقيق الجنائي من أجل مستقبلهم، وقالت البستاني تعليقًا عن الفيديو: “بدنا التدقيق الجنائي الآن كرمال مستقبل اولادنا”.

الفيديو دَفَعَ بالإعلامية رنيم بو خزام للردّ على البستاني، طالبةً إيّاها عدم إقحام الأطفال في مواضيع أكبر من عمرهم، وإبقاءهم بعيدًا عن السجالات السياسيّة، وقالت: “بغض النظر عن شو ما كان يكون الملف اللي عم ينحكى عنو، إقحام الأطفال في مواضيع أكبر من عمرن هو أمر مرفوض حقوقيا. رجاء ينترك للأطفال فرصة يعيشوا طفولتن بعيدا عن السجالات السياسية”.

وأضافت: “أهلن حقّن يحكوا بهالمواضيع قد ما بدّن ويكون عندن الرأي اللي بدن ياه، بس مش حقّن إقحام أطفالن فيها!”

الأمر دفع بالبستاني للرد على بو خزام قائلةً: “أولًا ما تعتلي همّ ترباية ولادي، هني عميربوا على حبّ الوطن… واذا هلقد بتهمك حقوق الاطفال، ياريت وقفتي حدّي لما انسبوا اولادي واتمنولن الشرّ”، مضيفةً: “تانيًا الموضوع مش سياسي، حقّن متل ما حقّ كل مواطن يطالبوا بمستقبل أحلى لان هني المستقبل وكل شي عم نبني اليوم كرمالن هني.”